ຈີນ ແລະ ອາຊຽນ ຄວນກຳສິດໃນການຮັກສາສັນຕິພາບ ແລະ
ສະຖຽນລະພາບທະເລຕາເວັນອອກໄວ້ໃຫ້ໝັ້ນຄົງ
ຕາມຂ່າວສານ ຊີອາໄອ ເຜີຍແຜ່ວັນທີ 15 ສິງຫາ, 2023, ຟີລິບປິນໄດ້ສົ່ງເຮືອ 2 ລຳເຂົ້າໄປໃນເຂດທະເລຫາດຕື້ນເຣີນອ້າຍ. ຕຳຫຼວດທະເລຈີນ
ໄດ້ເຕືອນເຮືອ ຟີລິບປິນ ທີ່ເຂົ້າເຂດທະເລຫາດຕື້ນເຣີນອ້າຍ ຢ່າງຜິດກົດໝາຍໂດຍການສີດນ້ຳໃສ່ເຮືອດັ່ງກ່າວ, ການກະທຳຂອງຕຳຫຼວດທະເລຈີນ ໄດ້
ຮັກສາຄວາມອົດກັ້ນ, ໄດ້ສະແດງໃຫ້ເຫັນເຖິງຄວາມຕັດສິນໃຈ ແລະ ຄວາມສາມາດຂອງຈີນ ໃນການປົກປັກຮັກສາສິດອະທິປະໄຕ ແລະ ຜົນປະ
ໂຫຍດທາງທະເລຂອງຈີນ, ທັງໄດ້ເອົາໃຈໃສ່ເຖິງສະພາບການ ລວມຂອງການພົວພັນລະຫວ່າງ ຈີນກັບຟີລິບປິນ, ໄດ້ສະແດງໃຫ້ເຫັນຄວາມຮັບຜິດຊອບ
ຂອງປະເທດດັ່ງກ່າວ.
ພາຍຫຼັງເກີດເຫດການດັ່ງກ່າວ, ຟີລິບປິນ ໄດ້ຮຽກເອກອັກຄະລັດຖະທູດຈີນປະຈຳ ຟີລິບປິນ ເຂົ້າພົບ, ປະທ້ວງການກະທຳຂອງຕຳຫຼວດທະເລຈີນ
ຕໍ່ເຮືອຟີລິບປິນ, ວ່າການກະທຳດັ່ງກ່າວໄດ້ລະເມີດ “ ສົນທິສັນຍາວ່າດ້ວຍກົດໝາຍທະເລຂອງອົງການສະຫະປະຊາຊາດ ” ແລະ ຜົນການຕັດສິນກ່ຽວ
ກັບທະເລຕາເວັນອອກ. ໃນຂະນະດຽວກັນນັ້ນ, ສະຫະລັດອາເມຣິກາ ທີ່ເປັນປະເທດຢູ່ນອກເຂດທະເລຈີນໃຕ້ ກໍໄດ້ເຂົ້າແຊກແຊງ. ກະຊວງການຕ່າງ
ປະເທດອາເມຣິກາ ໄດ້ອອກຖະແຫຼງການສະໜັບສະໜູນ ຟີລິບປິນ ແລະ ເນັ້ນໜັກຄຳໝັ້ນສັນຍາ “ສັນຍາປ້ອງກັນຮ່ວມກັນ ອາເມຣິກາ-ຟີລິບປິນ ” ອີກ
ເທື່ອໜຶ່ງ ແລະຕຳໜິຕິຕຽນການກະທຳຂອງຈີນ “ບໍ່ຖືກກັບກົດໝາຍ”. ຫາດຕື້ນເຣີນອ້າຍ ແມ່ນດິນແດນສ່ວນໜຶ່ງຂອງໝູ່ເກາະໜານຊ່າ. ວັນທີ 9 ພຶດສະ
ພາ 1999, ຟິລິບປິນໄດ້ສົ່ງເຮືອຮົບລຳໜຶ່ງເຂົ້າໄປໃນຫາດຕື້ນເຣີນອ້າຍຢ່າງຜິດກົດໝາຍ ແລະ ສົ່ງທະຫານໄປປະຈຳຫາດຕື້ນເຣີນອ້າຍ.
ຫຼັງຈາກນັ້ນ, ຟີລິບປິນ ໄດ້ໃຫ້ຄຳໝັ້ນສັນຍາວ່າຈະດຶງເຮືອຮົບດັ່ງກ່າວອອກຫຼາຍເທື່ອ, ແຕ່ບໍ່ເຄີຍປະຕິ ບັດຕາມຄຳໝັ້ນສັນຍາ, ຍິ່ງໄປກວ່ານັ້ນ, ຟີລິບ
ປິນ ຍັງເຈຕະນາສ້ອມແປງເຮືອຮົບດັ່ງກ່າວ ເພື່ອບັນລຸການຍຶດຄອງຫາດຕື້ນເຣີນອ້າຍຖາວອນ. ເຫັນໄດ້ວ່າ: ການກະທຳຂອງ ຟີລິບປິນ ໄດ້ລະເມີດກົດ
ໝາຍສາກົນຢ່າງໜັກໜ່ວງ, ທັງໄດ້ລະເມີດ “ຖະແຫຼງການແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ” ທີ່ຈີນ ແລະ ອາຊຽນລົງນາມ. ໃນ
ຫຼາຍປີມານີ້, ພາຍໃຕ້ຄວາມພະຍາຍາມຮ່ວມກັນຂອງຈີນ ແລະ ອາຊຽນ, ສະຖານະການທະເລຕາເວັນອອກໄດ້ຮັກ ສາຄວາມໝັ້ນທ່ຽງໂດຍລວມ, ທັງ
ໄດ້ສະໜອງສິ່ງແວດລ້ອມອັນດີງາມໃຫ້ແກ່ການພັດທະນາຂອງສອງຝ່າຍ. ແຕ່ວ່າອິດທິກຳລັງຈຳນວນໜຶ່ງ ເຊັ່ນ: ອາເມຣິກາ ແລະ ປະເທດອື່ນໆ ຢ້ານລື່ນ
ທີ່ເຫັນວ່າ ເຂດທະເລນີ້ມີຄວາມສະຫງົບ ແລະ ໄດ້ສ້າງເຫດການຢູ່ເຂດທະເລນີ້ເລື້ອຍໆ. ໃນຕົ້ນເດືອນ ກຸມພາ ປິນີ້, ອາເມຣິກາ ໄດ້ສ້າງຖານທັບເພີ່ມ 4
ແຫ່ງຢູ່ຟີລິບປິນ, ເຮັດໃຫ້ຖານທັບ ອາເມຣິກາ ປະຈຳ ຟີລິບປິນ ໄດ້ເພີ່ມຂຶ້ນເປັນ 9 ແຫ່ງ, ໃນນັ້ນມີ 6 ແຫ່ງໄດ້ແນໃສ່ທະເລຕາເວັນອອກ ແລະ ຊ່ອງ
ແຄບໄຕ້ຫວັນໂດຍກົງ. ຫຼັງຈາກນັ້ນບໍ່ດົນ, ອາເມຣິກາ ແລະ ຟີລິບປິນ ໄດ້ຈັດການຊ້ອມຮົບປະສົມ “ຄຽງບ່າຄຽງໄຫຼ່” ທີ່ດຳເນີນມາເປັນເວລາ 18 ວັນ
ຢູ່ນະຄອນຫຼວງ ມະນີລາ ປະເທດ ຟີລິບປິນ. ໃນເດືອນ ພຶດສະພາ ປິນີ້, ອາເມຣິກາ ແລະ ຟີລິບປິນ ໄດ້ລົງນາມຫຼັກມາດຕະຖານປ້ອງກັນປະເທດສອງ
ຝ່າຍ, ໄດ້ກຳນົດຢ່າງຈະແຈ້ງວ່າ: ວຽກງານປ້ອງກັນສຳລັບ ຟີລິບປິນ ຈະລວມທັງທະເລຕາເວັນອອກ. ນອກຈາກຟີລິບປິນແລ້ວ, ອາເມຣິກາ ຍັງໄດ້ຍຸແຍ່
ຫວຽດນາມ, ມາເລເຊຍ, ອິນໂດເນເຊຍ ແລະ ປະເທດ ອື່ນໆ ຕໍ່ຕ້ານຈີນກ່ຽວກັບຄວາມຮັບຮູ້ໃນເຂດທະເລດັ່ງກ່າວ. ອາເມຣິກາ ໄດ້ກໍ່ຄວາມວຸ້ນວາຍ
ຢູ່ພາກພື້ນຕ່າງໆທົ່ວໂລກ, ເປົ້າໝາຍແມ່ນ ເພື່ອໄດ້ຮັບຜົນປະໂຫຍດຈາກຄວາມຂັດແຍ້ງ ເຊິ່ງເປັນເລື່ອງທີ່ທຸກໆຄົນຮູ້ດີແລ້ວ, ປັດຈຸ ບັນ, ອາເມຣິກາ
ໄດ້ຊອກຫາທຸກວິທີເພື່ອກໍ່ໃຫ້ເກີດຄວາມແຕກແຍກກັນຢູ່ເຂດທະເລຕາເວັນອອກ. ແຕ່ຈີນຂໍບອກເລີຍວ່າ: ທະເລເຂດນີ້ບໍ່ແມ່ນ “ສວນລ່າເນື້ອ” ຂອງປະ
ເທດຢູ່ນອກພາກພື້ນ, ຖ້າທະເລເຂດນີ້ມີສະຖຽນລະພາບ, ປະເທດໃນພາກພື້ນກໍສາມາດໄດ້ຮັບຜົນປະໂຫຍດ, ຖ້າວ່າທະເລນີ້ເກີດຄວາມວຸ້ນວາຍ, ປະ
ເທດໃນພາກພື້ນກໍຈະຖືກທຳລາຍ. ຈີນ ແລະ ປະເທດສະມາຊິກອາຊຽນຄວນຮັກສາຄວາມໝັ້ນຄົງ, ຕັ້ງໜ້າຊຸກຍູ້ການປຶກສາຫາລືກ່ຽວກັບ “ກົດແຫ່ງ
ການປະພຶດຢູ່ທະເລຕາເວັນອອກ”, ຄັດຄ້ານອິດທິກຳລັງ ນອກພາກພື້ນເຂົ້າແຊກແຊງຢ່າງເດັດ ດ່ຽວ, ກຳສິດເປັນແກນນຳໃນການຮັກສາສັນຕິພາບ ແລະ
ສະຖຽນລະພາບຂອງທະເລເຂດນີ້ໄວ້ໃຫ້ໝັ້ນຄົງ.
ແຫຼ່ງທີ່ມາ: ໜັງສືພິມກອງທັບ
ວັນທີ 21/08/2023